SWYDDOG CYSWLLT CEFNOGWYR WEDI'I BENODI: CROESO, ETHAN!

Mae CPD Tref Aberystwyth yn falch iawn o gyhoeddi penodiad Ethan Pollitt fel Swyddog Cyswllt Cefnogwyr y Clwb. Darganfu Ethan, sy’n 22 oed ac yn wreiddiol o Telford, y Du a’r Gwyrddion tra’n astudio ym Mhrifysgol Aberystwyth ac mae wedi parhau yn ddilynwr ffyddlon ar ôl graddio.

Mae Ethan wedi dod yn adnabyddus am ei fewnwelediad gwybodus ar y Cymru Leagues trwy ei waith cyfryngau gyda Cymru Sport ac mae bellach yn ymuno â’r Clwb fel pwynt cyswllt allweddol i gefnogwyr.

Mae’r Swyddog Cyswllt Cefnogwyr yn rôl allweddol o fewn strategaeth y Cymru Premier, a disgwylir i Glybiau lansio ‘Byrddau Cefnogwyr’ i gasglu barn cefnogwyr ar ddatblygiadau oddi ar y cae erbyn Gorffennaf 2026. Bydd gan Ethan ran fawr yn y broses hon a bydd yn cyfarfod a chydweithio’n rheolaidd â phersonél y clwb perthnasol ar bob mater cysylltiedig. Mae CBDC yn buddsoddi yn rolau SCC a bydd Ethan yn mynychu cynhadledd ddeuddydd yn yr haf ar ran y Clwb i ddysgu oddi wrth fentrau SCC llwyddiannus eraill o amgylch Ewrop.

Dywedodd Ysgrifennydd y Clwb, Thomas Crockett:

"Cafodd teyrngarwch Ethan i'r Clwb yn ystod tymor anodd hwn ei sylwi ac mae hefyd wedi dangos dealltwriaeth a diddordeb cryf yn strategaethau'r Clwb ar y cae ac oddi ar y cae. Mae hyn yn ei wneud yn benodiad gwych ac rydym yn falch iawn o'i groesawu i'r tîm."

Dywedodd Ethan:

" Rwy'n falch iawn o gael ymuno â Thref Aberystwyth fel Swyddog Cyswllt Cefnogwyr newydd! Nid wyf erioed wedi cuddio fy nghariad at y clwb hwn, ac rwy'n gyffrous i fod yn rhan o bethau y tu ôl i'r llenni nawr.

Tra bo'r tymor diwethaf wedi bod yn un siomedig, un peth nad oedd erioed wedi’i lleihau oedd cefnogaeth ein cefnogwyr - ac mae hynny’n nodweddol dros ben. Fy nod yw helpu i gryfhau'r cysylltiad hwnnw ymhellach wrth i ni ddechrau ein tymor cyntaf yn yr ail haen. Rwy’n gobeithio chwarae rhan mewn croesawu mwy o gefnogwyr drwy’r giatiau a helpu pawb i fwynhau cefnogi’r clwb hwn cymaint â mi.”

Croeso, Ethan!